Sáensdánáni sáens o zánesht chakárén 20 goshten

 

Sáensdánáni sáens o zánesht chakárén 20 goshten

 

 

Zánesht o sáensay bábatá sáensdánáni wati goshtagén o mán wati ketábán nebeshtagén bázén mánádárén tangahén goshten hastant ke é goshten pa má áyáni kortakári, sáensi didánk o johlén pegr o hayáláni sar kanók ant o las mardomá ham jédhag parmáyant. Záneshtay rózhnái chakárén choshén goshten láeke wánag o pahmag ant. Chó ke Páschar sáensay bárawá goshit:

"Sáens hecch molk (country) mán nayárit parchá ke zánesht gón mardomgeriá (humanity) syádi kant o sáens yakk cherágé ke é donyáyá balénit."    Lues Páschar = Louis Pasteur

Bezán záneshti o sáensi didánk (theory), kortakári, nókén kárámadén dargéj (discovery) o sázén (invention) bass pa yakk rájmán (society), yakk ráj (nation) o yakk molkéay mardomán naant balkén donyáay sajjahén mardománi nap o páedagay háterá ant.

Jahlá sáens o zánesht dóstén wánókáni háterá lahté anchén námdárén sáensdánáni zánesht chakárén bist (20) goshten redoband dayag butag ke é sáensdánán sáensay gestá gestáén sháh (branch) o pedhán chandé jwán o yaktáén bédarwarén kár kortag. É zánesht chakárén tangahén goshten man cha Engrézi zobáná mán Balóchiá rajánk kotagant.

Rajánk o redoband: Bahtán Balóch

 

Sáensdánáni zánesht o sáens chakárén 20 goshten

 

➤ 1} Sáensay tahá pa gwáchená sar bayagá hecch tókeshk (shortcut) nést.
 Kárl Pupar = Karl Popper 

➤ 2} Hesábzánti (Mathematics) hamá zobán ent ke áiay tahá Hodáyá gédi (universe) nebeshtah kortag. 
Gelilio Gelili = Galileo Galilei 
➤ 3} Záneshtay thuhterén dozhmen dhálchári (ignorance) naent, zántay rép (illusion) ent. Esthipen Háking = Stephen Hawking 
➤ 4} Haminchó géshter ke man dar bortag, haminchó gésh man samá kortag ke man chenkas nazánán.
Esák Niothan = Isaac Newton

➤ 5} Bándátay másag bandiay kollán gehterén ráh eshiay sáchag ent. 
Pithar Dhrukar = Peter Drucker
➤ 6} Záneshtay éwak o thahnáén bonzeh (source) tajrobatkári ent. 
Albarth Áenestháen = Albert Einstein

 

7]. Cha yakk záneshtéay kadd o kálebéá géshter sáens jédhagay yakk rahbandé. Kárl Ságán

 

➤ 8} Zagrén (Pure) Hesábzánti gón wati wadh o paymán, rásbandi (logical) hayáláni sháeri ent.
Albarth Áenestháen = Albert Einstein
 
➤ 9} Cha drostán zébdárterén chizz ke má áiay kortakári (experience) kort kanén á poresrári (mysterious) ent. É sajjahén hakk o rástén sáens o ezmay bonzeh (source) ent.
Albarth Áenestháen

 ➤ 10} Sáensay tahá mardomé ádege mardomán anchén wadhéá gappay goshagay johdá kant ke harkas sarpad bebit, anchén chizzé ke ched o sári hechkasá hechbar nazántagat. Bale sháeriay tahá eshiay chath chapp bit.

Pál Dhirek = Paul Dirac
 ➤ 11} Taw mardoméá hecchi hél dát nakanay. Taw eshiá bas wati jenday andará shóház kort kanay.
Gelilio Gelili = Galileo Galilei 

 ➤ 12} Sáens o nékráh doénáni tahá shakkién hurtchári yakk anchén wasilahé ke hameshiay wasilahá cha yakk johlén bésenchiéá (nonsense) johlén didánké dastá patáyag bit kant.

Kárl Ságán = Carl Sagan

➤ 13} Mazan mazanén dargéjáni (discoveries) syádi géshter gón nókén chizzáni shóházágá naent balkén distag o zántagén chizzán gón cháragagay nókén wadh o paymán ent.
Elaygzendhar Playming = Alexander Fleming 
➤ 14} Sáens rad yá rást bayagay bárawá naent, é rástén jostáni démá árag o sabutáni randgiri (follow) kanagay bárawá ent harkojá ke é bebarant.
Nil dheGrás Tháesan = Neil deGrasse Tyson

 ➤ 15} Cha drostán jwánterén sáensdánáni del pa é emkáná pachant ke á rad bit kanant, o á gón nókterén sabután dém pa dém bayagá wati hayáláni matth kanagá jaridag ant.

Rechardh Paynman = Richard Feynman 

 

➤ 16} Mél (ship) mán bandedá mahpuz ent bale mél pa é kárá naent. Dar kap dém pa zerá o nókén kárán bekan.
Grays Hupar = Grace Hopper

➤ 17} Arzeshdárén chizz jost o porsay band nakanag ent. 
Albarth Áenestháen 
➤ 18} Wati zenday gwázénagay wadh o paym do ant. Yakké chosh ent ke hecchizz karámát (miracle) naent. Domi anchósh ent ke harchizz mán yakk karámátéá bebit.
Albarth Áenestháen 
➤ 19} Sáensay jost o shóház nazántagénay némagá yakk beh halás nabayókén saparé, ke é cha tajassosá (curiosity) waddit o cha sawabá rahshóni zurit. 
Nil Ármsthráng = Neil Armstrong 
➤ 20} Sáensay jostáni tahá yakk hazáray wák (authority) yakk mardoméay béshánén jall o dáshtay kábel naent. 
Gelilio Gelili